而家既新派冰室主要走裝潢、環境，重新包裝過既
茶餐廳，將時尚同型格集於一身。今次係柴灣
搵到間新開冰室，每晚行過都見到全埸滿座，
睇黎人氣相當高企！比傳統冰室提供更多元既
飲食元素，整返幾個小炒睇下夠唔夠鑊氣先！👇
-
📌韭黃蝦球炒滑蛋 - $61
👉蝦仁炒蛋一般都係住家菜既常客，呢到唔單止
係蝦仁，直程大到係蝦球程度呀。蝦肉夠爽脆，
仲Keep到唔老，所以食落好彈牙爽口。
滑蛋份量十足，嫩滑無比，
加埋韭黃加強香味，絕對係送飯必備呀！
-
📌風沙雞中翼 - $58
👉正所謂飛砂風中轉，雞翼都唔例外！
岩岩新鮮炸起即刻上枱，熱辣辣入口仲有d辣咀，
肉質唔乾身，仲幾香口。唔錯！
食落有少少似某某品牌既土x雞翼咁！
-
📌拍薑菜心炒牛肉 - $58
👉雖然幾味小炒都係家常小菜，
但菜心絕對係最佳配角，正所謂鮮花都需要
綠葉扶持，菜心用上菜遠部份，色澤翠綠，
幾清甜，牛肉片肉質尚算鬆軟，幾有驚喜。
-
📌椒鹽豬扒 - $61
👉份量一樣十足，以切件形式擺碟，
肉就比預期中軟腍，唔錯！加埋椒鹽混入左
大量蒜蓉、紅椒粒同蔥粒，惹味得黎又唔會太鹹。
整體評分係街坊地區黎講，絕對值得比個like呀！
-
📍 麗香園冰室
🎈柴灣環翠道11號興華廣場一期1樓115-116號舖
Search